Կոռուպցիայի կանխարգելման հանձնաժողովի նախագահն ընտրված է
Այսօր ԱԺ-ում տեղի ունեցավ Կոռուպցիայի կանխարգելման հանձնաժողովի նախագահի ընտրությունը:
5 անդամներից կազմավորված հանձնաժողովը բաց քվեարկությամբ նախագահ ընտրեց «Լուսավոր Հայաստան» խմբակցության կողմից առաջադրված Հայկուհի Հարությունյանին, ով ինքնառաջադրվեց որպես նախագահի թեկնածու:
Հայկուհի Հարությունյանը փաստաբան է և «Իրավունքների պաշտպանություն առանց սահմանների» ՀԿ-նախագահն է:
Նշենք, որ ինքնառաջադրվել էր նաև հանձնաժողովի անդամ, «Իմ քայլը» խմբակցությունից առաջադրված Էդգար Շաթիրյանը:
Երկու թեկնածուներն էլ վստահեցրին, որ անկախ նրանից, թե ով է ընտրվել որպես նախագահ, նրանց աշխատանքը թիմային է լինելու: Իսկ հանձնաժողովի անդամներն էլ պարզաբանեցին, որ քվեարկության նախնական պայմանավորվածություն չի եղել, և նրանց ընտրությունը պետք չէ կապել քաղաքական ուժերին:
