Նոր գույն վանաձորյան իրականության մեջ. դռներն է բացել «Padval Art Studio»-ն. «Փաստ»

Поделиться

«Փաստ» օրաթերթը գրում է.

Վանաձորում՝ Տերյան 2 հասցեում, իր դռներն է բացել «Padval Art Studio»-ն, որի համահիմնադիրներն են «May-Dec» փրոդաքշնի հիմնադիր Ռաֆայել Ղազարյանը և նկարիչ Սամվել Զոհրաբյանը։ Ռաֆայելն ասում է՝ հիմնել են արվեստի կենտրոն, որը պատրաստում է դիմորդներին գեղարվեստի բուհեր ընդունվելու համար։ «Կատարում ենք նաև ֆոտո և վիդեո նկարահանումներ, կազմակերպում ցուցահանդեսներ և համերգներ։ Մեզ համար ամենակարևորն այն է, որ սա դառնա հանդիպումների վայր ճանապարհ անցած մարդկանց հետ, որոնք կկիսվեն իրենց փորձով երիտասարդների հետ»,«Փաստի» հետ զրույցում ասում է կենտրոնի համահիմնադիրը։

Նման վայր ստեղծելու միտքն առաջացել է նկարիչ Սամվել Զոհրաբյանի հետ պարբերական զրույցների ժամանակ։ «Նախորդ տարի սկսեցինք նախապատրաստական աշխատանքները, վերանորոգեցինք տարածքը և օրերս մտերմիկ միջոցառմամբ տրվեց կենտրոնի աշխատանքների մեկնարկը։ Այս ճանապարհին, իհարկե, ունեցել ենք նաև դժվարություններ։ Հիմնական բարդությունը ֆինանսական հարցերն էին, մեկ էլ Վանաձորի եղանակային պայմանները, որ չէինք կարողանում արագացնել վերանորոգման փուլը։ Այնպես որ, մեր հիմնական խնդիրները եղել են ֆինանսը և վանաձորյան եղանակը։ Բոլոր հարցերում մեզ աջակցել են մեր ընկերները, առանց իրենց օգնության այս գաղափարն իրականություն դարձնելը բավականին դժվար կլիներ, եթե ոչ անհնար»,-նկատում է Ռաֆայելը։

Հունիսի 27-ին «Padval Art Studio»-ում տեղի ունեցած ցուցահանդես-համերգով տրվել է կենտրոնի գործունեության պաշտոնական մեկնարկը։ Իրենց կատարումներով հանդես են եկել Ալեքս Հարությունյան և ընկերները, նրանց միացել են «Լավ էլի» խմբի նախկին վոկալիստ Ալ յոշա Ավետիսյանը և հարվածային գործիքների կատարող Դավիթ Գրիգորյանը։ Ռաֆայելը զրույցի ընթացքում նաև շնորհակալություններ է ուղղում Բագրատիոն Դարբինյանին, Կարեն Ադամյանին, Գոռ Բադյանին, Էդգար Սարգսյանին, դերասան Արա Սարգսյանին, Վանաձորի Հովհաննես Աբել յանի անվան թատրոնի ողջ անձնակազմին և իրենց բոլոր-բոլոր ընկերներին։ Ընդգծում է՝ առանց մարդկային պարզ աջակցության անհնար է որևէ գաղափար կյանքի կոչել։

Նախապատրաստական դասընթացների ժամանակ նկարիչ Սամվել Զոհրաբյանի օգնությամբ բուհերի դիմորդները կտիրապետեն գծանկարի, կոմպոզիցիայի և գունանկարի նրբություններին։ «Դասընթացներն, իհարկե, վճարովի են, բայց ունենք անհատական մոտեցում, օրինակ՝ սոցիալապես անապահով ընտանիքների երեխաների համար։ Մեր հիմնական ուղղությունը բուհեր ընդունվել ցանկացողների համար դասընթացների անցկացումն է։ Արդեն ունենք հաջողություններ այս առումով՝ բուհեր ընդունված ուսանողներ, անգամ անվճար հիմունքներով։ Մեր նպատակը ոչ միայն այն է, որ իրենք պարապմունքների մասնակցեն, այլ նաև շփվեն ճանաչված արվեստագետների հետ։ Ցանկանում ենք, որ կենտրոնն արվեստագետների և արվեստասերների հանդիպման վայր դառնա, յուրահատուկ գույն փոխանցի վանաձորյան իրականությանը, աշխուժացնի մարզի կյանքը։ Լոռիի տարբեր գյուղերի դպրոցների աշակերտները ևս կհյուրընկալվեն մեզ մոտ, հանդիպումներ, կինոդիտումներ և համերգներ ենք կազմակերպելու, բնականաբար, անվճար հիմունքներով։ Շեշտում ենք, որ սա արվում է կրտսեր սերնդի համար, բայց մեզ մոտ կայացած համերգը ցույց տվեց, որ մենք՝ մեծերս, երևի թե առավել կարիքն ունենք նման շփումների և հանդիպումների»։

Նշում է՝ շարունակելու են բարելավել իրենց կենտրոնի պայմանները։ «Նպատակներ ունենք, որոնք ցանկանում ենք իրականություն դարձնել, բայց, իհարկե, ամենակարևորը՝ պետք է անընդհատ զարգացնենք կենտրոնը»,-եզրափակում է Ռաֆայել Ղազարյանը։

ԼՈՒՍԻՆԵ ԱՌԱՔԵԼՅԱՆ 

Մանրամասները՝ «Փաստ» օրաթերթի այսօրվա համարում

            
 

 

Поделиться
դիտվել է 18 անգամ
Լրահոս
Շղթայական ավտովթար՝ Արարատի մարզում․ Այնթապում բախվել է 4 ավտոմեքենա, կա վիրավոր Reuters․ Սաուդյան Արաբիան եվրոպացիներին զգուշացրել է նավթի մատակարարումների կրճատման մասին Գերագույն հոգևոր խորհրդի հերթական ժողովում քննարկվելու են եկեղեցի-պետություն հարաբերություններում առկա հիմնախնդիրները Անձին թրաֆիքինգի ենթարկելու համար Տաթև բնակավայրի վարչական ղեկավարը կալանավորվել է Ինչպե՞ս հասանք այս օրին. մարդկային կապիտալի հիմնարար բաղադրիչի խոր ճգնաժամ. «Փաստ» Ամեն ազգայինի դեմ պատերազմ մղող իշխանությունն ուրիշ բան պիտի անե՞ր. «Փաստ» «Եթե մենք մեզ պետք չենք, ոչ մեկի պետք չենք». «Փաստ» Եթե ձուկն ապրի ցամաքում... խաղաղությունը կվտանգվի՞. «Փաստ» Չեն կարող առանց մարդկանց կյանքը դժոխքի վերածելու. «Փաստ» Մինչ մեզ մոտ «թիթեռ են նկարում», Ադրբեջանն զբաղված է իր հորինվածքները միջազգային հանրությանը մատուցելով. «Փաստ» Թվերի անողոք լեզուն. ՔՊ-ի հեռացումը ոչ թե էմոցիոնալ ցանկություն է, այլ իրատեսական խնդիր. «Փաստ» Կոտայքում «Mercedes»-ը «Iveco» բեռնատարի, 1 հոգի տեղում բուժօգնություն է ստացել, 1-ը՝ հոսպիտալացվել․ Shamshyan 12 եվրոպական երկրներ կոչ են անում ԵՄ-ին ուժեղացնել ներկայությունն Արկտիկայում Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը Նիդերլանդներում 150 ուղևորով գնացքը բшխվել է բետոնե բլոկներ տեղափոխող բեռնատարին Ֆրանսիայում գնացքի վթարի հիմնական վարկած է դիտարկվում կանխամտածված միջամտությունը Կարեն Խաչանովը ԱՄՆ բաց առաջնությունում իր խաղի համար վաստակել է 1.45 միլիոն դոլար Աստանայում կինը 15-րդ հարկից ընկել է մանկասայլակի վրա․ կինը և երեխան մահացել են BRICS-ի երկրները կոչ են արել պահպանել հրադադարը Գազայում «Առաջին հերթին չեզոքացնել այն ընդդիմադիրներին, որոնք ունեն ռեսուրսներ, և դրանք ինչ-որ պահի կարող են ծառայել փոփոխությունների նպատակին». «Փաստ» Երբ մի հարցուպատասխանը բացահայտում է իրավիճակի ծանրության ողջ պատկերը. «Փաստ» Հայաստանում մարդու իրավունքների խախտումները կրում են զանգվածային ու համակարգված բնույթ. «Փաստ» Ընտրություններն անցան, «սերն» ու «սրտիկներն» էլ հետը. «Փաստ» Տեղերում տրամադրություններ են շոշափում. «Փաստ» Oրենքի առաջ բոլորը հավասար են, բացի Նիկոլ Փաշինյանից. «Փաստ»
ԱՄԲՈՂՋ ԼՐԱՀՈՍԸ
Ամենաընթերցվածները
Չեն կարող առանց մարդկանց կյանքը դժոխքի վերածելու. «Փաստ» 1 Մինչ մեզ մոտ «թիթեռ են նկարում», Ադրբեջանն զբաղված է իր հորինվածքները միջազգային հանրությանը մատուցելով. «Փաստ» 2 Reuters․ Սաուդյան Արաբիան եվրոպացիներին զգուշացրել է նավթի մատակարարումների կրճատման մասին 3 Ինչպե՞ս հասանք այս օրին. մարդկային կապիտալի հիմնարար բաղադրիչի խոր ճգնաժամ. «Փաստ» 4 Թվերի անողոք լեզուն. ՔՊ-ի հեռացումը ոչ թե էմոցիոնալ ցանկություն է, այլ իրատեսական խնդիր. «Փաստ» 5