«Տոտենհեմը» պայմանագիր է կնքել «Լիվերպուլի» նախկին պաշտպան Էնդրյու Ռոբերտսոնի հետ
Լոնդոնի «Տոտենհեմի» մամուլի ծառայությունը պաշտոնապես հայտարարել է «Լիվերպուլի» նախկին պաշտպան Էնդրյու Ռոբերտսոնի տրանսֆերի մասին:
32-ամյա շոտլանդացին լոնդոնյան ակումբին միացել է ազատ գործակալի կարգավիճակով: Նոր պայմանագրի ժամկետների և մանրամասների մասին «խթանները» առայժմ չեն բարձրաձայնում:
Ռոբերտսոնը, որը «Լիվերպուլ» էր տեղափոխվել 2017 թվականին «Հալ Սիթիից», փայլուն կարիերա է ունեցել Մերսիսայդում:
«Կարմիրների» կազմում նա նվաճել է Անգլիայի Պրեմիեր լիգայի երկու տիտղոս, Չեմպիոնների լիգայի գավաթը, Անգլիայի գավաթն ու Լիգայի երկու գավաթ:
Բացի այդ, շոտլանդացի պաշտպանը դարձել է Աշխարհի ակումբային առաջնության, ՈՒԵՖԱ-ի Սուպերգավաթի և Անգլիայի Սուպերգավաթի հաղթող:
Հիշեցնենք, որ Անգլիայի Պրեմիեր լիգայի ավարտված մրցաշրջանը չափազանց անհաջող էր «Տոտենհեմի» համար. թիմը զբաղեցրեց մրցաշարային աղյուսակի միայն 17-րդ հորիզոնականը:
Երկրի չեմպիոն հռչակվեց Լոնդոնի «Արսենալը», արծաթե մեդալները բաժին հասան «Մանչեսթեր Սիթիին», իսկ լավագույն եռյակը եզրափակեց «Մանչեսթեր Յունայթեդը»:
