Հայաստանին փորձում են ներքաշել սխալ հակառուսական ճամբար՝ Ռուսաստանին վնաuելու համար. Լավրով
Հայաստանին փորձում են ներքաշել հակառուսական ճամբար՝ նպատակ ունենալով Ռուսաստանին հնարավորինս մեծ ցավ պատճառել: Այս մասին հայտարարել է ՌԴ արտաքին գործերի նախարար Սերգեյ Լավրովը, հաղորդում է ՌԻԱ Նովոստի-ն։
«Արևմուտքը փորձում է պառակտել մեր դաշնակիցներին՝ նախ և առաջ սկսելով մեր հարևաններից, ինչպես դա արեց Վրաստանի, Մոլդովայի հետ, ինչպես հիմա դա անում է Ուկրաինայի հետ, և ինչպես հիմա փորձում են Հայաստանին ներքաշել նույն սխալ տրամաբանության մեջ»,- ասել է Լավրովը՝ ելույթ ունենալով Արտաքին և պաշտպանական քաղաքականության խորհրդի վեհաժողովում։
Նախարարն ընդգծել է, որ այս ամենն արվում է միայն մեկ նպատակով։
«Ռուսաստանին հնարավորինս մեծ ցավ պատճառել, եթե կուզեք՝ ավելի բարդացնել Ռուսաստանի՝ որպես իսկապես մեծ տերության և քաղաքակրթության պահպանման ու ամրապնդման խնդիրը»,- ընդգծել է Լավրովը։
