ԱՄՆ-ի և Իսրայելի հարվածների հետևանքով Իրանում երեխաներ են զոհվել
ԱՄՆ-ի և Իսրայելի կողմից Իրանի վրա գիշերն իրականացված օդային հարվածների հետևանքով վեց երեխա է զոհվել` հաղորդում է Press TV-ն՝ հղում անելով արտակարգ ծառայություններին։
«Թեհրանի արտակարգ իրավիճակների կենտրոնի տվյալներով՝ առնվազն վեց երեխա՝ չորս աղջիկ և երկու տղա, բոլորն էլ 10 տարեկանից փոքր, զոհվել են երեկոյան Թեհրանի նահանգի վրա ԱՄՆ-ի և Իսրայելի կողմից իրականացված հարձակումների հետևանքով»,- հաղորդել է հեռուստաալիքը։
Գիշերն Իսրայելի պաշտպանության բանակը հայտարարել է, որ մի շարք հարվածներ է հասցրել Իրանի մայրաքաղաքում գտնվող թիրախներին։
Փետրվարի 28-ին Մինաբի Շաջարե Թայեբահի աղջիկների դպրոցը ենթարկվել էր հարձակման: Զոհվել է 168 երեխա, ինչպես նաև 14 ուսուցիչ և դպրոցի աշխատակից:
Իրանը հարձակումներին հակադարձում է` Իսրայելի տարածքին, ինչպես նաև Մերձավոր Արևելքում ԱՄՆ ռազմական թիրախներին հարվածներով:
