Լապորտան նշել է «Բարսելոնայի» տրանսֆերային առաջնահերթությունները
Կատալոնական «Բարսելոնայի» նախագահ Ժոան Լապորտան խոսել է տրանսֆերային շուկայում ակումբի ծրագրերի և առաջնահերթությունների մասին։
«Մենք չպետք է տրանսֆերներ իրականացնենք զուտ գնումներ կատարելու համար. մեզ անհրաժեշտ են միայն այն ֆուտբոլիստները, ովքեր իսկապես պետք են թիմին: Մեզ արդեն հաջողվել է ձևավորել մրցունակ կազմ, ուստի մեր ներկայիս գլխավոր նպատակն առկա ռեսուրսների պահպանումն ու աստիճանական հզորացումն է, այլ ոչ թե շարունակական վերադասավորումները»,- ակումբի նախագահի խոսքերն է մեջբերում Barca Universal-ը։
Հիշեցնենք, որ կատալոնական գրանդին վերագրվում է հետաքրքրություն մի շարք բարձրակարգ և թանկարժեք ֆուտբոլիստների նկատմամբ։
Մամուլում հավանական տրանսֆերային թիրախների թվում առավել հաճախ շրջանառվում են Մադրիդի «Ատլետիկոյի» հարձակվող Խուլիան Ալվարեսի և Միլանի «Ինտերի» կենտրոնական պաշտպան Ալեսանդրո Բաստոնիի անունները:
