Թուրքիան միշտ աջակցել է Ադրբեջանին Հայաստանի հետ կապված հարցերում. Բայրամով
Թուրքիան Ադրբեջանի համար եղբայրական պետություն է, մենք դաշնակիցներ ենք։ Նման հարաբերություններ այլևս չկան: Այս մասին տարվա արդյունքների ամփոփմանը նվիրված մամուլի ասուլիսում հայտարարել է Ադրբեջանի արտաքին գործերի նախարար Ջեյհուն Բայրամովը։
Բայրամովը նշել է, որ հարաբերությունների հիմքը ոչ միայն պատմական կապերն են, այլև երկու երկրների ղեկավարների միջև անկեղծ անձնական հարաբերությունները:
«Թուրքիան միշտ աջակցել է Ադրբեջանին Հայաստանի հետ կապված հարցերում։ 44-օրյա պատերազմից հետո Թուրքիայի և Հայաստանի միջև հարաբերությունների կարգավորման գործընթացը նույնպես իրականացվել է համակարգված։ Դա բերում է դրական արդյունքների:
Իմ գործընկեր Հաքան Ֆիդանը նույնպես Թուրքիայի խորհրդարանում ասել է, որ Հայաստանի հետ Թուրքիայի հարաբերությունները կախված են Հայաստանի հետ Ադրբեջանի հարաբերություններից։ Վստահ եմ, որ այդ աշխատանքը շարունակվելու է։ Հաջորդ տարվանից Թուրքիայից Հայաստան ավիաչվերթների թվի ավելացումը մեզ համար նորություն չէր, մենք տեղեկացված էինք այդ որոշման մասին»,-ասել է Բայրամովը:
