86 մարդ թnւնավորմամբ հոսպիտալացվել է սրճարանում կազմակերպված խնջույքից հետո
Սալմոնելան է եղել 86 մարդու զանգվածային թունավորման և հոսպիտալացման պատճառ Ղազախստանի հյուսիսային Կոստանայի շրջանի Արկալիկ քաղաքի սրճարանում կազմակերպված խնջույքից հետո, լրագրողներին ասել է Սանիտարական և համաճարակաբանական վերահսկողության տարածաշրջանային վարչության պետի տեղակալ Գուլիմ Դոսումովան։
«Սրճարանի աշխատակիցները թեստավորվել են, և երկուսի մոտ հայտնաբերվել է Salmonella Enteritidis, որը նույնական է հիվանդների մոտ հայտնաբերված հարուցչին։ Նախնական եզրակացություններ կարելի է անել, որ սրճարանի աշխատակիցները, որոնց մոտ հայտնաբերվել է Salmonella Enteritidis, վարակի ենթադրյալ աղբյուրն են եղել։ Նրանք հիվանդ չեն եղել և բժշկական օգնության չեն դիմել։ Բժշկության մեջ դա կոչվում է առողջ կրում», - ասել է Դոսումովան։
Նրա խոսքով՝ միջադեպից հետո «Ժաինա» սրճարանը փակվել է, իսկ աշխատակիցների գործունեությունը՝ կասեցվել։ Հրատարակության տվյալներով՝ թունավորված անձանցից մի քանիսը ներկա չեն եղել խնջույքին, բայց կերել են սարկիտ՝ ավանդական ղազախական քաղցրավենիք, որը մատուցվում է հյուրերին տոնակատարությունից հետո։
Իրավապահ մարմինները հետաքննություն են սկսել։
