Ես պատրաստ եմ Պուտինի հետ շփվել «ցանկացած ձևաչափով». Զելենսկի
Ուկրաինայի նախագահ Վոլոդիմիր Զելենսկին հայտարարել է, որ պատրաստ է Ռուսաստանի նախագահ Վլադիմիր Պուտինի հետ խոսել «ցանկացած ձևաչափով»։ Այս մասին հայտնում է УНИАН-ը։
«Առաջին հերթին կարծում եմ, որ մենք պետք է նստենք և խոսենք։ Երկրորդ՝ մենզ անհրաժեշտ է հրադադար. նույնիսկ հիմա դուք տեսնում եք Մերձավոր Արևելքում, շատ դժվար է պահպանել հրադադարի ռեժիմը», - ասել է նախագահը։ Նա ընդգծել է, որ պատրաստ է Պուտինի հետ շփվել «ցանկացած ձևաչափով՝ երկկողմ կամ եռակողմ», եթե խոսքը գնում է արդար խաղաղության մասին:
«Ամենակարևորը Ուկրաինայի այն մարդկանց համար, ովքեր ամեն օր ենթարկվում են հարձակումների, անվտանգության իսկապես ամուր երաշխիքներ ունենալն է։ ՆԱՏՕ-ն լավագույն տարբերակն է, բայց զենքը շատ կարևոր է։ Մեզ համար, իմ և նախագահ Թրամփի միջև անվտանգության երկկողմ երաշխիքները շատ կարևոր են։ Մենք այդ մասին մանրամասն չենք խոսել։ Բայց սա ամենակարևոր փաստաթուղթն է, քանի որ Միացյալ Նահանգները շատ ուժեղ է», - նշել է Զելենսկին։
