Խաբարովսկի երկրամասում ուղղաթիռ է կորել
Ռուսաստանի Խաբարովսկի երկրամասում այսօր Մի-8Տ ուղղաթիռ է կորել։ Տեղեկությունը հայտնում է ՌԻԱ Նովոստին` հղում անելով Օխոտսկի շրջանի միասնական հերթապահ-դիսպետչերական ծառայության ներկայացուցչին։
«Ժամը 17.30-ին (Երևանի ժամանակով 11.30-ին) օդանավն անհետացել է Օխոտսկից թռիչքի ժամանակ»,– ասել է գործակալության զրուցակիցը
Մագադան մեկնած ուղղաթիռը, որը պատկանում է «АПК Взлет»–ին, նշանակված ժամին կապի դուրս չի եկել։
Նախնական տվյալով՝ ուղղաթիռում հինգ մարդ է եղել՝ անձնակազմի երեք անդամ և երկու տեխնիկական մասնագետ։
