Արջի թարմ հետքեր՝ «Արփի լիճ» ազգային պարկի տարածքում
Շրջակա միջավայրի նախարարությունից հայտնում են, որ «Արփի լիճ» ազգային պարկի տարածքում հայտնաբերվել են արջի թարմ հետքեր։
«Սա միաժամանակ զգուշացման և ուրախալի փաստի ազդանշան է։ Զգուշացման, քանի որ վայրի կենդանու առկայությունը պահանջում է զգոնություն։ Ուրախալի, որովհետև արջի վերադարձը վկայում է տարածքի էկոհամակարգի վերականգնման ու առողջության մասին։
Խնդրում ենք զբոսաշրջիկներին և տեղի բնակիչներին՝
Լինել առավել զգոն՝ հատկապես մուտք գործելիս անտառային կամ բարձրադիր տարածքներ,
Չթողնել ընտանի կենդանիներին առանց հովիվի կամ վերահսկողության,
Խուսափել միայնակ շրջելուց վաղ առավոտյան կամ ուշ երեկոյան ժամերին։
Արջերը սովորաբար խուսափում են մարդկանցից, սակայն նախազգուշությունն ու պատասխանատու վարքագիծը կարևոր են բոլորիս անվտանգության համար»,-ասված է հաղորդագրության մեջ։
