Հայտնի է, թե երբ շարք կվերադառնա Հենրիխ Մխիթարյանը
«Ինտերի» կիսապաշտպան Հենրիխ Մխիթարյանը, ինչպես նաև թիմակիցներ Բենժամեն Պավարն ու Դավիդե Ֆրատեզին այս շաբաթ կվերադառնան մարզումներին։ Այս մասին հայտնում է «Gazzetta dello Sport»-ը՝ հղում անելով FCInterNews-ին։
Մխիթարյանն ու Ֆրատեզին վնասվածքներ էին ստացել Չեմպիոնների լիգայի «Բարսելոնայի» դեմ խաղում, որտեղ «Ինտերը» հաղթանակ էր տարել։ Երկուսի վնասվածքները լուրջ չեն, և, ըստ աղբյուրի, նրանք այս շաբաթ կմիանան ընդհանուր մարզումներին։
Բենժամեն Պավարը շարունակում է վերականգնվել կոճի վնասվածքից և նույնպես մոտ է վերադարձին։
Թիմի ավագ Լաուտարո Մարտինեսը, սակայն, դեռ դուրս կմնա մրցակցությունից։ «Ինտերը» զգուշությամբ է իրականացնում նրա վերականգնումը՝ ապահովելու համար, որ նա լիովին առողջ լինի Չեմպիոնների լիգայի եզրափակչում ՊՍԺ-ի դեմ։
