ԱՄՆ-ում արտաքսման սպասող ներգաղթյալները իրենց մարմիններով SOS ազդանշան են գրել
Տեխասի ներգաղթային կենտրոնում ԱՄՆ-ից արտաքսման սպասող տղամարդիկ իրենց մարմիններն օգտագործել են SOS ազդանշան ստեղծելու համար։ Այս մասին գրում է Reuters-ը։
Հոդվածում նշվում է, որ միգրանտները կենտրոնի վերևում երկնքում նկատել են Reuters-ի անօդաչու թռչող սարք։ Այնուհետև նրանք որոշել են աղետի ազդանշան ուղարկել՝ օգտագործելով իրենց սեփական մարմինները։ Չպլանավորված գործողությանը մասնակցել է ընդհանուր առմամբ 31 մարդ։ Նրանցից ոմանք հագել են կարմիր համազգեստ, որը տրվում է «հատկապես վտանգավոր» մարդկանց։
Լրագրողների խոսքով՝ արտաքսման սպասող տղամարդիկ Վենեսուելայից են։ Նկարագրված իրադարձություններից մի քանի օր առաջ ԱՄՆ ներգաղթի պաշտոնյաները ծանուցումներ էին բաժանել օտարերկրացիներին այն մասին, որ նրանք, ենթադրաբար, վտանգավոր վենեսուելական խմբավորման անդամներ են։ Այս ֆոնին, նրանց նախատեսվում է արտաքսել պատերազմական ժամանակների օրենքներին համապատասխան։
«Հարցազրույց տված յոթ կալանավորների ընտանիքները նշել են, որ նրանք խմբավորման անդամներ չեն և հրաժարվել են ստորագրել փաստաթղթեր», - ասվում է հաղորդագրության մեջ։
