ՌԴ հատուկ ծառայությունները Նիժնի Նովգորոդում ահաբեկչություն են կանխել
Ռուսական հատուկ ծառայությունները Նիժնի Նովգորոդի մարզում ահաբեկչություն են կանխել, հայտնում է ՌԴ Անվտանգության դաշնային ծառայությունը:
Այն պատրաստվել է Կենտրոնական Ասիայից երկու հոգու կողմից՝ Ուկրաինայի հատուկ ծառայությունների հանձնարարությամբ։ Ռուսաստանի Դաշնությունում արգելված կազմակերպություններից մեկի կողմնակիցները ցանկացել են անօդաչու սարքերի միջոցով հարձակվել նավթաքիմիական գործարանի վրա, գրում է ՌԻԱ «Նովոստի»-ն։
Հանցագործները զինված դիմադրություն են ցույց տվել և ձերբակալվելիս վնասազերծվել են, հայտնում է ՌԴ ԱԴԾ-ն։
