Գյումրու դեպոյի մեքենավարները դիմել են ԱԱԾ, դատախազություն, ոստիկանություն
Գյումրու լոկոմոտիվային դեպոյի մեքենավարներն այսօր գրություն են ուղարկել ՀՀ ԱԱԾ, դատախազություն և ոստիկանություն: Ըստ մեքենավարների՝ երեկ ՌԴ-ից տասը ռուս մեքենավարներ է եկել Գյումրի, ովքեր անմիջապես, առանց փորձաշրջան անցնելու և տարածքին ծանոթանալու, ժամերի ընթացքում անցել են աշխատանքի հայերի փոխարեն: Մեքենավարները սովորականի նման եկել են աշխատանքի և անակնկալի եկել: Նրանց գնացքները վարելու թույլտվություն չի տրվել:
Գյումրու լոկոմոտիվային դեպոյի մեքենավարների համոզմամբ, ՌԴ-ի կողմից նման գործունեությունն առաջին հերթին ՀՀ ազգային անվտանգության դեմ ուղղված հանցագործություն է:
Բացի այդ, աշխատողների պնդմամբ՝ ռուս աշխատողները սխալների պատճառով հայկական կողմն ունի վնասներ՝ երկու էլեկտրոգնացք է վառվել:
Մեքենավարները մտածում են, որ տեղի ունեցածը հոկտեմբերի 23-ին իրենց կողմից խնդիրները բարձրաձայնելու հետևանքն է:
Հիշեցնենք, որ նրանք պահանջում էին, որպեսզի իրենց աշխատավարձը բարձրացնեն:
