Իսրայելի գիշերային հարվածներից Գազայի հատվածում զոհվել է 58 մարդ, ընդհանուր զոհերի թիվը գերազանցել է 470-ը
Իսրայելի գիշերային հարվածներից Գազայի հատվածում զոհվել է ևս 58 մարդ, հայտնում է The Guardian-ը՝ հավելելով, որ երեքշաբթի սկսված հարվածների հետևանքով ընդհանուր զոհերի թիվը գերազանցել է 470-ը:
Կեսգիշերին հարվածները հասցվել են բազմաթիվ տների, սպանվել են տղամարդիկ, կանայք և երեխաներ, որոնք քնած են եղել:
Իսրայելը երեքշաբթի վերսկսել է ծանր հարվածները Գազայում՝ խախտելով ավելի վաղ պաղեստինյան ՀԱՄԱՍ խմբավորման հետ ձեռք բերված հրադադարը:
Իսրայելը նաև դադարեցրել է Գազայի շուրջ 2 միլիոն պաղեստինցիներին սննդի, վառելիքի և մարդասիրական օգնության մատակարարումը, խոստացել է ակտիվացնել իր գործողությունները այնքան ժամանակ, մինչև ՀԱՄԱՍ-ը ազատ արձակի իր մոտ գտնվող 59 պատանդներին, որոնցից 35-ը համարվում է մահացած, և չհրաժարվի տարածքի վերահսկողությունից: Թրամփի վարչակազմը, որն իր վրա վերցրեց հրադադարի միջնորդությունը, ասում է, որ լիովին աջակցում է Իսրայելին:
