«Goal»-ը կրկին թարմացրել է «Ոսկե գնդակի» գլխավոր հավակնորդների վարկանիշը
Goal պորտալը կրկին թարմացրել է 2025 թվականի «Ոսկե գնդակը» նվաճելու գլխավոր հավակնորդների վարկանիշային աղյուսակը։
«Լիվերպուլի» եգիպտացի հարձակվող Մոհամեդ Սալահը շարունակում է մնալ վարկանիշային աղյուսակի առաջին տեղում։ Երկրորդ տեղում Ֆրանսիայի հավաքականի և Մադրիդի «Ռեալի» հարձակվող Կիլիան Մբապեն է։ Լավագույն եռյակը եզրափակում է «Բարսելոնայի» բրազիլացի հարձակվող Ռաֆինյան։
Լավագույն տասնյակում ընդգրկվել են նաև Լամին Յամալը («Բարսելոնա»), Հարի Քայնը («Բավարիա»), Ռոբերտ Լևանդովսկին («Բարսելոնա»), Վինիսիուս Ժունիորը («Ռեալ Մադրիդ), Ջուդ Բելինգհեմը («Ռեալ Մադրիդ»), Ջամալ Մուսիալան («Բավարիա») և Պեդրին («Բարսելոնա»)։
Նշենք, որ լավագույն տասնյակից դուրս է մնացել Լևերկուզենի «Բայերի» գերմանացի կիսապաշտպան Ֆլորիան Վիրցը՝ նրա տեղը զբաղեցրել է «Բարսելոնայի» իսպանացի կիսապաշտպան Պեդրին։
