Մարսի վրա «բուրգի նմանվող մի բան» է հայտնաբերվել. Մասկը կոչ է արել թռչել Մարս
Համացանցում են հայտնվել ՆԱՍԱ-ի Մարսի ուղեծրային տեսախցիկի կողմից Մարսի վրա արված լուսանկարները: Դրանցում «քառակուսի կառույցներ» են երևում։ AI-ն հաշվարկել է, որ դրանք գրեթե համապատասխանում են եգիպտական բուրգերի պարամետրերին: Մասկը կոչ է արել թռչել Մարս հետազոտությունների համար։
Աշխարհի թիվ 1 փոդքասթի հաղորդավար Ջո Ռոգանը X-ում կիսվել է կառույցի լուսանկարներով՝ այն անվանելով «վայրի բնություն»: Իսկ Իլոն Մասկը, պատասխանելով երկարամյա ընկերոջ թվիթին, գրել է. «Մենք պետք է տիեզերագնացներ ուղարկենք Մարս՝ ուսումնասիրելու համար»:
Ինչպես նշում է բրիտանական հրատարակությունը, փորձագետները դեռ պաշտոնական գիտական բացատրություն չեն տվել, թե դա ինչ կարող է լինել, սակայն դա չի խանգարել դավադրության տեսաբաններին՝ պնդել, որ դա Մարսի վրա այլմոլորակային քաղաքակրթության ապացույց է:
Արհեստական ինտելեկտի (AI) հաշվարկների համաձայն՝ քառակուսի կառույցի բարձրությունը յուրաքանչյուր կողմում գնահատվում է 235 մետր։
