Ուկրաինայի և ԱՄՆ-ի պաշտպանության նախարարները քննարկել են պաշտպանական համագործակցության առանցքային հարցերը
Ուկրաինայի պաշտպանության նախարար Ռուստեմ Ումերովը և ԱՄՆ պաշտպանության նախարար Լլոյդ Օսթինը հեռախոսազրույց են ունեցել և քննարկել պաշտպանական համագործակցության առանցքային հարցերը:
«Մենք քննարկել ենք Ուկրաինայի և Միացյալ Նահանգների միջև պաշտպանական համագործակցության առանցքային հարցերը, ինչպես նաև ռուսական ագրեսիայի դեմ պայքարում մեր համատեղ ջանքերի ամրապնդման հետագա քայլերը»,- գրել է նա:
Ումերովը նշել է, որ զրուցել են նաև ռազմաճակատում տեղի ունեցած վերջին իրադարձությունների մասին, մասնավորապես, քննարկել են Ուկրաինայի պաշտպանության բանակի առաջ ծառացած զարգացումները և հիմնական մարտահրավերները։
«Օսթինը վերահաստատել է ԱՄՆ-ի պատրաստակամությունն Ուկրաինային տրամադրել այն ամենը, ինչ անհրաժեշտ է արդյունավետ պայքարի համար: Ես շնորհակալ եմ Միացյալ Նահանգներին Ուկրաինային օգնություն ցուցաբերելու հարցում իրենց մշտական աջակցության»,- գրել է Ումերովը։
