Բորելը Գազայում եռօրյա հումանիտար հրադադար հաստատելու կոչ է արել
ԵՄ դիվանագիտության ղեկավար Ժոզեպ Բորելը դիմել է X սոցիալական ցանցում կոչ է արել Գազայի հատվածում եռօրյա հրադադար հաստատել՝ պոլիոմիելիտի դեմ պատվաստման արշավ իրականացնելու համար:
Պաղեստինյան տարածքներում Իսրայելի կառավարության համակարգողի գրասենյակը ավելի վաղ հայտնել էր, որ կիրակի օրը պոլիոմիելիտի պատվաստանյութ է առաքվել անկլավ։ ԱՀԿ-ն և ՅՈՒՆԻՍԵՖ-ը ավելի վաղ կոչ էին արել 7-օրյա զինադադար հաստատել Գազայում օգոստոսի վերջին և սեպտեմբերին, որպեսզի թույլատրվի պատվաստումները սկսել: ՄԱԿ-ի գլխավոր քարտուղար Անտոնիո Գուտերեշը նաև կոչ է արել հումանիտար դադար անցկացնել անկլավում պոլիոմիելիտի պատվաստման ժամանակ:
«Պոլիոմիելիտի արագ տարածումը սպառնում է Գազայի բոլոր երեխաներին, որոնք արդեն թուլացել են տեղահանության, զրկանքների և թերսնման պատճառով: Ես կոչ եմ անում անհապաղ հումանիտար հրադադար հաստատել երեք օրով, որպեսզի թույլատրվեն ԱՀԿ-ի և ՅՈՒՆԻՍԵՖ-ի պատվաստումները՝ անկախ ավելի լայն բանակցություններից»,- գրել է Բորելը:
