Ֆրանսիացի ֆերմերները ծրագրում են տրակտորներով «պաշարել» Փարիզը
Ֆրանսիացի ֆերմերները ծրագրում են այսօր տեղական ժամանակով ժամը 14:00-ից (Երևանի ժամանակով 17:00-ից) սկսել տրակտորներով Փարիզի «պաշարումը»: Արհմիությունները կոչ են անում փակել մայրաքաղաքի մուտքի գլխավոր մայրուղիները՝ ընդհանուր ութ կետ։ Նպատակը Փարիզին որևէ ապրանքի մատակարարում թույլ չտալն է, հայտնում է france24.com-ը:
Նախատեսվում է, որ ակցիան կտևի առնվազն հինգ օր: Այս ֆոնին Ֆրանսիայի ՆԳՆ-ն ուժեղացրել է անվտանգության միջոցները և կարգուկանոն պահպանելու համար ներգրավել 15 հազար ոստիկանի։
Օբյեկտների թվում, որոնց մուտքը կարող է արգելափակվել, կա երկու առանցքային օդանավակայան՝ Շառլ դը Գոլը և Օրլին, ինչպես նաև Ռունժիի ամենամեծ գյուղատնտեսական շուկան: Հայտնի է, որ նախագահ Էմանուել Մակրոնը կարգադրել է բոլոր քայլերը ձեռնարկել նշված օբյեկտները բաց պահելու համար:
Ֆրանսիայում ֆերմերների բողոքի ցույցերը շարունակվում են արդեն մի քանի շաբաթ, բայց մինչ այժմ դրանք որևէ կերպ չեն ադզել Փարիզի վրա: Դժգոհության հիմնական պատճառներն են էժան գյուղմթերքի ներկրումը, վառելիքի թանկացումը, ոռոգման համար ջրի օգտագործման սահմանափակումները։
