Միջազգային «Անմահ գունդը» հայտարարություն է տարածել` դատապարտելով Էստոնիայի սխալ վարքագիծը. Մհեր Ավետիսյան
«Էստոնիայում «Անմահ գնդի» ակցիաների կազմակերպիչ Սերգեյ Շաուլինի նկատմամբ ապօրինի գործողությունները, անկեղծ ասած, պատեհապաշտական և քաղաքական բնույթ ունեն։ Այս որոշմամբ այս երկրի իշխանությունները փաստացի «ահաբեկման ակցիա» են իրականացրել Միջազգային անմահ գնդի գործողությունների մյուս մասնակիցների համար»,-այս մասին հայտնում է մեկենաս, «Անմահ գունդ» միջազգային շարժման գլխավոր համակարգող Մհեր Ավետիսյանը։
«Մեր գործունեությունն անընդունելի է Էստոնիայի քաղաքական վերնախավի որոշ ներկայացուցիչների համար, քանի որ Հայրենական մեծ պատերազմում հաղթանակի ժառանգության պահպանման հետ կապված օրակարգը ուղղակի նախատինք է այս երկրի ներկայիս քաղաքական էլիտաներին, որոնք առաջնորդվում են պատմական ռեվիզիոնիզմով և Էստոնիայում ֆաշիզմի լեգիտիմացմամբ։
Միջազգային «Անմահ գունդը» քաղաքական կազմակերպություն չէ։ Մենք առաջ ենք տանում մի օրակարգ, որը պետք է համախմբի բոլոր երկրների հասարակություններին հումանիզմի, սոցիալական և մշակութային բազմազանության ճանաչման և 21-րդ դարում նեոֆաշիզմին հակադրվելու արժեքների շուրջ։
Միջազգային «Անմահ գունդը» դատապարտում է այս որոշումը և զգուշացնում Էստոնիայի իշխանություններին չմոռանալ Նյուրնբերգի դասերը։ Նացիստների և նրանց հանցակիցների հանցագործություններն ու գործունեությունը երբեք անպատիժ չեն մնում. պատասխանատվությունն անխուսափելի է:
Մենք սատարում ենք Ռուսաստանի նախագահին առընթեր Մարդու իրավունքների խորհրդի հայտարարությանը, ըստ որի՝ այս որոշումը չի համապատասխանում Էստոնիայի իշխանությունների կողմից հայտարարված իրավական հիմքին»,-ասել է Մհեր Ավետիսյանը։
.png&w=60&h=60)
