Ողջ աշխարհով մեկ թափ է հավաքում բողոքի ալիք՝ այդ բարբարոսական գործողության դեմ․ Չալաբյան
Հասարակական-քաղաքական գործիչ Ավետիք Չալաբյանը ֆեյսբուքյան իր էջում գրել է․
Սիրելի բարեկամներ,
Ինչպես գիտեք, թշնամին արդեն 8 օր է շրջափակման մեջ է պահում Արցախի մեր հայրենակիցներին: Ողջ աշխարհով մեկ թափ է հավաքում բողոքի ալիք՝ այդ բարբարոսական գործողության դեմ: Ստորև ձեզ ներկայացվում է այդպիսի մի ստորագրահավաք, ուղղված Ադրբեջանի պետական նավթային ընկերության, ՍՈԿԱՐ-ի հետ եվրոպական ընկերությունների համագործակցության դեմ:
Խնդրում եմ Ձեզ ծախսել ընդամենը մեկ րոպե, և միանալ այս ստորագրահավաքին: Նաև, ակտիվ տարածեք ձեր մերձավորների շրջանում, որպեսզի այն հարյուր հազարավոր ձայներ հավաքի, այդ դեպքում անհնար է այն անտեսել: Կանխավ շնորհակալ եմ բոլոր մասնակիցներին:
