Մոսկվան թույլ չի տա. Լավրովը բացեց փակագծերը
Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ
ԱԳՆ ղեկավարը նշել է, որ արևմտյան երկրները փորձում են Ռուսաստանի Դաշնությունը ներկայացնել որպես ագրեսոր՝ միաժամանակ մոռանալով Կիևի ռեժիմի կողմից Դոնբասում մարդկանց սպանությունների մասին։ Նախարարը նշել է, որ «Կիևի ռեժիմն իր անպատժելիությունը պարտական է արևմտյան կուրատորներին՝ առաջին հերթին Գերմանիային, Ֆրանսիային և Միացյալ Նահանգներին»։
Սերգեյ Լավրով. «Կիևի ղեկավարության վրա մինսկյան պայմանավորվածությունների կատարման վրա ճնշում գործադրելու փոխարեն, և՛ Բեռլինը, և՛ Փարիզը, և՛ Վաշինգտոնը ցինիկաբար աչք փակեցին Դոնբասի խնդիրը ուժով լուծելու Կիևի բացահայտ սպառնալիքների վրա, այսպես կոչված, պլան Բ»:
Լավրովը նաև ասել է, որ «(արևմտյան պետությունների) նպատակն ակնհայտ է, նրանք դա չեն թաքցնում և հայտարարում են՝ հնարավորինս երկարաձգել ռազմական գործողությունները՝ չնայած զոհերին ու ավերածություններին, որպեսզի հյուծվի ու թուլանա Ռուսաստանը։
«Այս գիծը նշանակում է արևմտյան երկրների անմիջական մասնակցություն ուկրաինական հակամարտությանը, նրանց դարձնում է դրա կողմ։ Կոլեկտիվ Արևմուտքի կողմից այս հակամարտության միտումնավոր բորբոքումը նույնպես անպատիժ է մնում»։
Նախարարն ընդգծել է, որ Ռուսաստանը թույլ չի տա Ուկրաինային հենակետ ստեղծել Ռուսաստանի անվտանգությանը սպառնացող սպառնալիքների համար։
«Հատուկ ռազմական գործողություն անցկացնելու որոշումն անխուսափելի էր. Մենք մեկ անգամ չէ, որ խոսել ենք այս մասին, ներկայացրել ենք բազմաթիվ փաստեր, որոնք ցույց են տալիս, թե ինչպես էր Ուկրաինան պատրաստվում խաղալ «հակառուսական» դեր՝ ռուսական անվտանգությանը սպառնալիքներ ստեղծելու և իրագործելու ցատկահարթակի դեր։ Ես կարող եմ ձեզ վստահեցնել, որ մենք դա թույլ չենք տա»։
Նյութը հրապարակման պատրաստեց Pressmedia.am կայքը
