Վրաստանն արգելում է մուտքը իր տարածք

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Պաշտոնական տվյալներով՝ այս տարվա մարտ-հունիս ամիսներին Վրաստան է ժամանել 277 հազար 700 ռուսաստանցի. նրանցից 42 հազար 500-ը Վրաստանում մնացել են առնվազն մեկ ամիս: aliq.ge-ի փոխանցմամբ, այդ մասին հաղորդել է ուկրաինական «Ղրիմ ռեալ» լրատվամիջոցը:

Աղբյուրի համաձայն՝ ՌԴ քաղաքացիներին զանգվածաբար մերժում են Վրաստան մուտք գործել։

Free Russia Foundation («Ազատ Ռուսաստան հիմնադրամ») հասարակական կազմակերպության ղեկավար Եգոր Կուրոպտևը «Ղրիմ ռեալ»-ին ասել է, որ Վրաստանը մի քանի շաբաթ առաջ ուժեղացրել է իր սահմանային հսկողությունը ռուսների նկատմամբ, արդյունքում երկայումս օրական մի քանի տասնյակ մարդկանց մուտքը երկիր սահմանափակվում է։

«Եթե չկա բնակության փաստաթուղթ, ապա ոչ մի այլ փաստաթուղթ՝ մասնագիտությունը, Վրաստանում ապրելու փաստը, ոչ էլ բնակարանների վարձակալության հետ կապված պայմանագրի առկայությունը Վրաստան Ռուսաստանի քաղաքացիների մուտքի երաշխիք չէ»,- ասել է Կուրոպտևը։

Տեղեկատվության ազատության զարգացման ինստիտուտ (IDFI) ՀԿ-ի տվյալներով՝ 2022 թվականի փետրվարի 25-ից հունիսի 30-ը Վրաստան մուտք գործած Ռուսաստանի 42 հազար 577 քաղաքացի՝ հուլիսի 31-ի դրությամբ, չի լքել երկիրը։