Մահացել է «Լուկօյլ»-ի տնօրենների խորհրդի նախագահը
Այլևս ՄԻ վճարեք հոսանքի համար, անցեք այս հղումով և իմացեք, թե ինչպես` https://4q5w.short.gy/tkKDJH
Մոսկվայում մահացել է «Լուկօյլ» նավթային ընկերության տնօրենների խորհրդի նախագահ Ռավիլ Մագանովը։ Նա ընկել է հիվանդանոցի պատուհանից, որտեղ բուժում էր ստանում, հայտնում են ռուսական մի շարք լրատվամիջոցներ։
«Այսօր առավոտյան Մագանովն ընկել է Կենտրոնական կլինիկական հիվանդանոցի պատուհանից: Նա մահացել է ստացած վնասվածքներից»,- գրում է «Ինտերֆաքս»-ը՝ հղում անելով իրազեկ աղբյուրին։
Ավելի ուշ «Լուկօյլ»-ն իր կայքում հաստատել է տնօրենների խորհրդի նախագահի մահվան մասին տեղեկությունը։ Հաղորդագրության մեջ ասվում է, որ Մագանովը մահացել է «ծանր հիվանդությունից հետո»։
Մագանովը գլխավորել է «Լուկօյլ»-ի տնօրենների խորհուրդը 2020 թվականի հունիսից։ Նա ընկերությունում աշխատել է 1993 թվականից՝ սկզբում որպես նավթարդյունահանման գծով փոխնախագահ, ապա հետախուզման և արդյունահանման գծով առաջին փոխնախագահ։
Ռուսաստանի Դաշնության նախագահի 2019 թվականի օգոստոսի 9-ի հրամանագրով Մագանովը պարգևատրվել է Ալեքսանդր Նևսկու շքանշանով «ձեռք բերած աշխատանքային հաջողությունների, ակտիվ հասարակական գործունեության և երկար տարիների բարեխիղճ աշխատանքի համար»: Պարգևատրումը կայացել է Կրեմլում։
Տարեսկզբից սա առնվազն վեցերորդ մահն է՝ կապված ռուսական նավթագազային ոլորտի հետ։
