Ինչ պետք է անեն Լաչինի միջանցքով անցնող քաղաքացիները գերի ընկնելու կամ սադրանքի ենթարկվելու դեպքում
ՄԻ՛ վճարեք հոսանքի գումար, այն այսուհետ ԱՆՎՃԱՐ է՝ https://4q5w.short.gy/Solaron-old
Ադրբեջանական վերահսկողության տակ անցած Լաչինի միջանցքով անցնող քաղաքացիների անվտանգությունն ապահովելու են Արցախի ոստիկանությունն ու ԱԻՆ-ը։ Այդ մասին MediaHub.am-ի հարցին ի պատասխան ասացին Արցախի ԱԱԾ-ից։ Լրատվականը փորձեց պարզել, թե Լաչինի միջանցքով անցնող քաղաքացիներին արդյոք հեռախոսահամար տրամադրվելո՞ւ է, թե՝ ոչ, որպեսզի գերի ընկնելու կամ թշնամու կողմից սադրանքի ենթարկվելու դեպքում մարդիկ զանգահարեն։
«Լաչինի միջանցքի տարածքում ոստիկանությունը շուրջօրյա հսկողություն է իրականացնում, և պետք է ընդամենը զանգահարել 1.02, կամ՝ 911»,- եղավ Արցախի ԱԱԾ-ի պատասխանը։
Հարցին, թե արդյո՞ք այդ կերպ հնարավոր է արձագանքել քաղաքացիների ահազանգերին, արդյո՞ք մարդկանց անվտանգությունն այդ տարբերակով ապահովելն արդարացված է, ստացվեց այն պատասխանը, թե դա է վիճակը, ոստիկանությունն է իրականացնելու հսկողություն։
«Հիմա էլ Արցախի ոստիկանությունը օրը երկու անգամ հաղորդագրություն է տարածում՝ տեղեկացնելով, որ ճանապարհը լրիվ անվտանգ է»,- հավելեցին Արցախի ԱԱԾ-ից։
