Կարբի գյուղում հրդեհի հետևանքով տան տանիք է այրվել
Արագածոտնի մարզային ճգնաժամային կառավարման կենտրոնը հուլիսի 12-ին, ժամը 17։37-ին ահազանգ է ստացել, որ Կարբի գյուղի 1-ին փողոցի 9-րդ նրբանցքի տներից մեկում հրդեհ է բռնկվել։
Հայտնում են ՀՀ արտակարգ իրավիճակների նախարարությունից։
Դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Ըստ աղբյուրի՝ պարզվել է, որ հրդեհը բռնկվել է տանը հարակից օժանդակ շինությունում։
Նշվում է, որ հրդեհը մեկուսացվել է ժամը 17:58-ին, մարվել՝ 18։30-ին։ Այրվել են տան տանիքի փայտե կառուցատարրերը (մոտ 2 քմ), 30 հատ փայտե արկղ, 2 պատուհան, մասամբ ջերմահարվել օդորակիչը և անկել՝ 10 հավ։
