Հոդվածաշար՝ կալանավայրից. Չալաբյանը շարադրել է իր տեսլականը
«Համախմբում» նախաձեռնության աջակից, «Արար» հիմնադրամի համահիմնադիր Ավետիք Չալաբյանը կմնա կալանավորված։
Երեկ նմանատիպ որոշում է կայացրել Վերաքննիչ դատարանը: Տարբեր միջազգային հեղինակավոր շրջանակների կողմից քաղբանտարկյալ ճանաչված Չալաբյանը, կարծես, առանձնապես կաշկանդված չէ իր կալանավորման փաստով և չի սահմանափակել իր գործունեությունը: Ավելին, Մեդիամաքսը նախօրեին սկսել է հրապարակել Չալաբյանի «Հայաստանի ճակատագրական ընտրությունը» շարքի առաջին մասը՝ Հայահավաքը, որտեղ շարադրում է Հայաստանի ապագայի վերաբերյալ իր տեսլականը:
Հիշեցնենք, որ «Համախմբում» շարժման անդամ, հասարակական-քաղաքական գործիչ Ավետիք Չալաբյանին մեղսագրվում է ՀՀ քրեական օրենսգրքի 163-րդ հոդվածի 3-րդ մասի 2-րդ կետով (Հավաք անցկացնելուն կամ դրան մասնակցելուն խոչընդոտելը երկու կամ ավելի անձանց նկատմամբ) նախատեսված արարքը։
