Ադրբեջանը հայ-ադրբեջանական սահմանին նոր անցակետերի տեղակայման որոշում է կայացրել
Ադրբեջանի Նախարարների կաբինետը փոփոխություններ է կատարել «Անցակետերի թվաքանակում և այն տարածքների ցանկում, որտեղ դրանք գտնվում են», հայտնում է նախարարների կաբինետի կառավարական կայքը։ Որոշումը ստորագրել է Ադրբեջանի վարչապետ Ալի Ասադովը։ Այս մասին տեղեկանում ենք Sputnik գործակալության ադրբեջանական ծառայությունից:
Ըստ որոշման, ինչպես և Ադրբեջանի պետական սահմանի մյուս անցակետերի դեպքում, այս դեպքում էլ հստակ սահմանված են պետական սահմանով նշված անցակետերի անվանումները (համարը) և այն տարածքների ցանկը, որտեղ դրանք գտնվում են։
Փոփոխություններին համապատասխան՝ հատկացվել են չորս լրացուցիչ անցակետեր՝
Էյվազլի անցակետը Կուբաթլուի շրջանում (Որոտան գյուղ) (Հայաստան-Ադրբեջան սահմանին),
Ղազանչի անցակետ Զանգիլանի (Կովսականի) շրջանում (Ղազանչի գյուղ), (Հայաստան-Ադրբեջան սահմանին),
Ֆուզուլիի միջազգային օդանավակայանի անցակետ (Ֆուզուլիի շրջան, Միրզաջամալլի գյուղ),
Զագաթալա միջազգային օդանավակայանի անցակետ (Զագաթալայի շրջան, Մուխախ գյուղ):
