«Ծիրան» սուպերմարկետների ցանցն ընդլայնվում է
Որքան էլ քննարկելի է երկրի տնտեսական վիճակը, այդուհանդերձ տեսանելի է նաև դինամիկան։
Օրեր առաջ մամուլից տեղեկացանք, որ «Ծիրան» սուպերմարկետների ցանցն ընդլայնվում է և մարզերում իր ունեցած մասնաճյուղերի քանակով առաջինն է։ Ստացվում է, որ երևանյան շուկան վաղուց նվաճած «Ծիրան» սուպերմարկետների ցանցը այսօր իր հաստատուն քայլերն է անում նաև մարզերում։ Սա թվում է փոքր և աննշան քայլ է, սակայն հին ճշմարտություն է՝ բիզնեսմենները արագ են որսում շարժի դինամիկան և դրանից է, որ հաղթաթուղթը առաջինը հենց նրանք են նետում սեղանին։
Փորձեցինք մեզ հուզող հարցերի պատասխանները ստանալ «Ծիրան» սուպերմարկետների ցանցի տնօրեն Արման Գալստյանից։ Վերջինս չբացեց շատ փակագծեր, նշելով, որ առաջիկայում երեք մարզում մեծ ծրագիր ունեն կյանքի կոչելու և միայն այդ ծրագրերի հիմնաքարի հաստատումից հետո կներկայացնի ողջ ծրագիրը։ Իսկ այն հարցին, թե մարզերում որքանով են ռիսկային նման ծավալի ներդրումները, Արման Գալստյանը հիշեցրեց, որ ով ռիսկի չի գնում չի խմում շամպայնը, ապա հավելեց, որ որքան էլ չցանկանանք տեսնել, այդուհանդերձ մարզերում ևս աշխույժ է կյանքը, և ներդրումները սպասելի արդյունքները շատ չեն ուշացնի:
