«Վիրավոր ընկերոջը խոսատացել է, որ ինչ էլ լինի նրան մենակ չի թողնելու». ՀԵՐՈՍ Արթուրը (ՊՈՏՈ) մինչև վերջ հավատարիմ մնաց խոստմանը
Մենք շարունակում ենք լուսաբանել մեր հերոսներին, քանի որ նրանց բարձր անունն էլ ավելի բարձր պիտի հնչի, նրանց ու նրանց սխրագործությունների մասին պիտի բոլորն իմանան: Տղերքը առանց մի վայրկյան երկմտելու են նվիրել իրենց կյանքը հայրենիքին: Նրանցից շատերը էլ տուն չվերադարձան, շատերը հաշմանդամ եկան, շատերն էլ դեռ գերության մեջ են, իսկ մենք թիկունքում պարտավոր ենք, այո՛, պարտավոր ենք ավարտին հասցնել նրանց կիսատ թողած գործը:
Ուզում ենք, որ մեր լույսերից ևս մեկին ճանաչեք. Արթուր Ռաշիդի Ամիրաղյան:
Հերոս Արթուրը ծնվել է 1983 թվականին Տավուշի մարզի Նոյեմբերյան քաղաքում: Ոչ ոք չէր էլ պատկերացում, բայց սեպտեմբերի 27-ին Հայոց երկինքը փուլ է գալիս, սկսվում է չարաբաստիկ 44-օրյան, իսկ Արթուրը այդ դժվարին ու ճակատագրական պահին հայրենիքի կողքին էր:
Հոկտեմբերի 20-ին մեկնել է Սանասար ու մասնակցել այնտեղի թեժ մարտերին: Կրակների տակ հենց աչքի առաջ վիրավորվում է ընկերը, իսկ ինքն ասում է, որ ինչ էլ լինի ընկերոջը մենակ չի թողնելու: Մինչև վերջ հավատարիմ մնալով խոստմանը՝ մնում է կրակի գոտում: Երբ ցանկացել է դուրս բերել ընկերողջը հաջորդ հարվածը նրան է բաժին հասել: Հերոս Արթուրը զոհվում է դիպուկահարի կրակոցից:
Փա՛ռք Քեզ, հերո՛ս, հավերժ շնորհակալ ենք:
