ՌԴ ՊՆ-ի կոչը ադրբեջանցիներին
ՌԴ Պաշտպանության նախարարությունը տեղեկություն է տարածել Լեռնային Ղարաբաղում իրավիճակի վերաբերյալ՝ ադրբեջանական կողմին կոչ անելով զորքը վերադարձնել իրենց նախնական դիրքերը։ Հայտարարությունն ամբողջությամբ ներկայացնում ենք ստորև․ «Մարտի 24-ից մարտի 25-ը Ադրբեջանի Հանրապետության զինված ուժերը, խախտելով Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարության դրույթները, մտել են Լեռնային Ղարաբաղի տարածքում ռուսական խաղաղապահ կոնտինգենտի պատասխանատվության գոտի և դիտակետ են ստեղծել։ «Բայրաքթար-ՏԲ 2» տիպի անօդաչու թռչող սարքից 4 հարված է հասցվել Լեռնային Ղարաբաղի զինված կազմավորումների ստորաբաժանումներին՝ Փառուխ բնակավայրի տարածքում։ Ներկայում ռուսական խաղաղապահ կոնտինգենտի հրամանատարությունը միջոցներ է ձեռնարկում իրավիճակը կարգավորելու եւ զորքերը իրենց նախնական դիրքերը վերադարձնելու համար։ Ադրբեջանական կողմին զորքերը դուրս բերելու կոչ է ուղարկվել։ Ռուս խաղաղապահ կոնտինգենտը Լեռնային Ղարաբաղի ընթացքում հերթապահություն է իրականացնում 4 երթուղիներով՝ Ասկերանի, Մարտակերտի, Մարտունու և Շուշիի շրջաններում»։
