«Ռեալ» - «Բարսելոնա»․ Բուքմեյքերների կանխատեսումը

Իսպանիայի առաջնության 29-րդ տուրում առաջատար «Ռեալը» Մադրիդում կընդունի «Բարսելոնային»։ Բուքմեյքերները կանխատեսում են դաշտի տերերի հաղթանակը։

Իտալացի Կառլո Անչելոտիի գլխավորած թիմի հաղթանակի գործակիցը 2․30 է։ Չավիի գլխավորած «Բարսելոնայի» հաղթանակի հավանականությունը գնահատվում է 3․10 գործակցով, ոչ ոքի արդյունքինը՝ 3․60։

«Ռեալ» - «Բարսելոնա» հանդիպումը կմեկնարկի Երեւանի ժամանակով կեսգիշերին։

«Ռեալը» (28 խաղ) 66  միավորով գլխավորում է մրցաշարային աղյուսակը, «Բարսելոնան» (27 խաղ) չորրորդն է՝ 51 միավոր։

Իսպանիայի առաջնության առաջին շրջանում 2։1 հաշվով հաղթել է «Ռեալը»։ Նախորդ անգամ թիմերը հանդիպել են Իսպանիայի սուպերգավաթի կիսաեզրափակիչում։ Հիմնական ժամանակն ավարտվել էր 2։2 հաշվով, իսկ լրացուցիչ ժամանակում հաղթական գոլը խփել էր «Ռեալը»՝ 3։2