Ռուսաստանի քաղաքներում այսօր տեղի են ունեցել ցույցեր Ուկրաինայում պատերազմն անհապաղ ավարտելու պահանջով:
Մոսկվայում ոստիկանները ցուցարարներին ձերբակալում են Մանեժնայա հրապարակում և դրա մատույցներում:
Իրավապաշտպան Սվետլանա Գանուշկինային, ով այսօր նշում է ծննդյան 80-ամյակը, ձերբակալել են մետրոյի «Տեատրալնայա» կայարանի մոտ:
Մանեժնայա հրապարակում ձերբակալել են «Մեմորիալ» իրավապաշտպան կազմակերպության խորհրդի անդամ Օլեգ Օրլովին, ով պարզել է «Ուկրաինային՝ խաղաղությու՛ն, Ռուսաստանին՝ ազատությու՛ն» գրությամբ պաստառը:
Ձերբակալություններ են տեղի ունեցել նաև այլ քաղաքներում: 1700 մարդ ձերբակալվել է Մոսկվայում, 700-ը` Սանկտ Պետերբուրգում: Եվս ավելկի քան հազար մարդ ձերբակալվել է Դաշնության այլ քաղաքներում:
Ընդհանուր հաշվով, ըստ Ռուսաստանի ներքին գործերի նախարարության, «ապօրինի զանգվածային ակցիաներին մասնակցել է շուրջ 5 հազար 200 մարդ»:
