Ռուսական ակումբը հետաքրքրված է Մխիթարյանի ծառայություններով
Հայաստանի հավաքականի և «Ռոմայի» կիսապաշտպան Հենրիխ Մխիթարյանի ծառայություններով հետաքրքրված է ռուսական ակումբներից մեկը։
Romapress-ը հայտնում է, որ Մոսկվայի «Սպարտակը» կապ է հաստատել Հենրիխ Մխիթարյանի գործակալ Մինո Ռայոլայի հետ և հետաքրքրվել, թե հնարավոր է պայմանագիր կնքել հայ ֆուտբոլիստի հետ հունիսին, երբ նրա պայմանագիրը «Ռոմայի» հետ ավարտվի:
Իր հերթին «Ռոման» չի երկարաձգի կիսապաշտպան Հենրիխ Մխիթարյանի հետ պայմանագիրը, չնայած նրան, որ «Սասուոլոյի» հետ խաղից հետո Մոուրինյուն ասել էր, որ նա թիմի ամենաառանցքային խաղացողներից մեկն է, գրում է Calciomercato-ն։
Այսպիսով, Մխիթարյանն ամռանը կդառնա ազատ գործակալ։ Ավելի վաղ լուրեր էին շրջանառվում, որ հայ փլեյմեյքերի ծառայություններով հետաքրքրված են իտալական և ռուսական մի շարք ակումբներ, այդ թվում՝ «Միլանը», «Ինտերը», «Կրասնոդարը»։
