Ալիևը վախենում է, որ Հայաստանը ոտքի կկանգնի. նա կրկին սպառնացել է մեզ
«21-րդ դարում հայկական ֆաշիզմի կողմից իրականացրած այս ավերածությունները բոլորի համար պետք է դառնան ցուցիչ, որ ֆաշիզմում լավ ու վատ չկա»: Այս մասին ասել է իրական բռնապետ և ֆաշիստ Իլհամ Ալիևը` հունվարի 30-ին AZERTAC-ին տված հարցազրույցում` Գյանջա կատարած այցի ժամանակ։
«Հայաստանի թիկունքում կանգնած շրջանակները պետք է իմանան և գնահատեն մեր պատմական առաքելությունը, ինչ աղետ ենք կանխել։ Մենք ոչ միայն ազատագրեցինք մեր տարածքները, այլև մաքրեցինք տարածաշրջանը, Հարավային Կովկասը այս բարբարոս ուժերից։ Կրկնում եմ, հիմա նրանք ապրում են թշվառ վիճակում, սակայն ոչ ոք չի կարող երաշխավորել, որ նրանք նորից ոտքի չեն կանգնի: Մենք չենք կարող թույլ տալ, որ մեր տարածաշրջանում հայտնվի հայկական ֆաշիզմը: Մենք թույլ չենք տա, որ Հայաստանը կրկին պոտենցիալ սպառնալիք դառնա Ադրբեջանի համար: Եթե մենք նման վտանգ նկատենք, անմիջապես կոչնչացնենք, սա բոլորը պետք է իմանան»,- ասել է Ալիևը։
