Զախարովան չինարենով դիմել է չինացի ժողովրդին՝ լիակատար հաղթանակ մաղթելով կորոնավիրուսի համաճարակի դեմ պայքարում (տեսանյութ)

ՌԴ ԱԳՆ պաշտոնական ներկայացուցիչ Մարիա Զախարովան փետրվարի 12-ին կայացած ճեպազրույցի ժամանակ չինարենով դիմել է Պեկինին՝ աջակցության խոսքեր ասելով՝ կապված նոր տեսակի կորոնավիրուսի համաճարակի հետ:

Ինչպես հայտնում է РИА Новости-ն, ճեմազրույցի ընթացքում անդրադառնալով կորոնավիրուսի շուրջ ստեղծված իրավիճակին՝ Զախարովան ասել է. «Մենք անկեղծորեն ցանկանում ենք, որ Չինաստանը և չինացի ժողովուրդը դուրս գա միասնական պայքարի և ինչպես Մեծ պարսպի հնագույն աշտարակները, միավորվի համաճարակի դեմ պայքարում»:

«Այս դժվարին պահին ողջ Ռուսաստանը հոգով Չինաստանի հետ է: Ռուսաստանը լիարժեք աջակցություն է հայտնում Չինաստանի ժողովրդին և անկեղծորեն մաղթում է լիակատար հաղթանակ տանել համաճարակի դեմ»,- եզրափակել է իր ուղերձը Զախարովան:

Հիշեցնենք, որ դեկտեմբերի 31-ին Չինաստանի իշխանություններն Առողջապահության համաշխարհային կազմակերպությանը տեղյակ են պահել Ուհան քաղաքում անհայտ տեսակի վիրուսի տարածման մասին: Վերջին տվյալների համաձայն՝ վարակակիրների թիվը գերազանցել է 44,000-ը, մահացածներինը՝ 1100-ը:

Նրա խոսքը կարող եք լսել 12:40 րոպեից