Արմեն Չարչյանի մոտ ախտորոշվել է թոքաբորբ. վիճակը ծանր է
Բացի սրտի խնդրից, «Իզմիրլյան» Բժշկական կենտրոնի նախկին տնօրեն, «Հայաստան» խմբակցության պատգամավոր, պրոֆեսոր Արմեն Չարչյանի մոտ օրեր առաջ ախտորոշվել է թոքաբորբ, նրա վիճակը ծանր է: Այս մասին NEWS.am-ի հետ զրույցում հայտնել է Չարչյանի փաստաբան Էրիկ Ալեքսանյանը:
«Այս պահին Չարչյանը գտնվում Քանաքեռ- Զեյթուն բժշկական կենտրոնում: Խափանման միջոցի հարցով երկու անգամ եմ դիմել դատարան՝ հրատապ նիստ հրավիրելու կապակցությամբ, նաև օգոստոսի 24-ին, երբ ստացա բժշկական նոր փաստաթղթեր նրա վիճակի մասին, կրկին դիմեցի հրատապ նիստ հրավիրելու միջնորդությամբ, բայց մինչ օրս դատարանից լուր չկա»,- ասել է փաստաբանը՝ հավելելով, որ Չարչյանի նկատմամբ քաղաքական հետապնդում է իրականացվում:
Նշենք, որ Արմեն Չարչյանը օգոստոսի 24-ին տարել է սուր ինֆակտ, ունի ծանր շաքարային դիաբետ և ընդունում է 92 միավոր ինսուլին, ինչն ուղղակի անհամատեղելի է կալանքի հետ, և այս անհամատեղելիությունը հաստատվում է Կառավարության 825Ն որոշմամբ:
