Գեղարքունիքում հանգուցյալ մոր հասցեին վիրավորական արտահայտություններ հնչեցնողին տղամարդը դանակով հարվածներ է հասցրել
Գեղարքունիքում հանգուցյալ մոր հասցեին վիրավորական արտահայտություններ հնչեցնողին տղամարդը դանակով հարվածներ է հասցրել. նրան մեղադրանք է առաջադրվել։ Այս մասին այսօր՝ հունվարի 30-ին, տեղեկանում ենք ՀՀ քննչական ծառայության լրատվությունից։
ՀՀ քննչական կոմիտեի Գեղարքունիք մարզային քննչական վարչության Վարդենիսի քննչական բաժնում ձեռնարկված քննչական գործողությունների արդյունքում բացահայտվել է 44-ամյա տղամարդու առողջությանը դիտավորությամբ ծանր վնաս պատճառելու դեպքը: Մեղադրանք է առաջադրվել մեկ անձի:
Քննությամբ ձեռք բերված տվյալների համաձայն՝ 2020թ. հունվարի 26-ին՝ ժամը 21.30-ի սահմաններում, 1971թ. ծնված տղամարդը, Գեղարքունիքի մարզի Գեղամասար համայքնի առանձնատներից մեկի ավտոտնակում, հանգուցյալ մոր հասցեին հնչեցրած վիրավորական արտահայտությունների շուրջ պարզաբանումներ ստանալուց հետո, դանակով դիտավորությամբ հարվածներ է հասցրել նույն մարզի 44-ամյա բնակչին՝ վերջինիս առողջությանը պատճառելով ծանր վնաս:
Ձեռք բերված ապացույցների համակցությամբ` 48-ամյա տղամարդուն մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասով: Վերջինիս նկատմամբ խափանման միջոց է ընտրելու կալանավորումը:
Նախաքննությունը շարունակվում է:
