«Վարչապետն Ամուլսարի հետ կապված իրավիճակին մինչ օրս ճիշտ տեղեկացված չէ» (տեսանյութ)
Չնայած շուրջ երկու տարի է Ամուլսարի տարածքում և նրա շուրջ ակտիվ պայքար է մղվում ժողովրդի կողմից, բայց վարչապետը մինչ օրս իրավիճակին ճիշտ չի տեղեկացված»: Այս մասին ֆեյսբուքյան իր էջում գրառել է Ջերմուկի բնակիչ բնապահպան Շիրակ Բունիաթյանը:
«Ուզում եմ անդրադառնալ Ամուլսարի խնդրին, վարչապետի անդրադարձին։ Ես չգիտեմ թե ո՞վ կամ ովքե՞ր են նրան զեկուցում Ամուլսարի շուրջ ստեղծված իրավիճակը, բայց վստահ կարող եմ ասել, որ չնայած շուրջ երկու տարի է Ամուլսարի տարծքում և նրա շուրջ ակտիվ պայքար է մղվում ժողովրդի կողմից, բայց վարչապետը մինչ օրս իրավիճակին ճիշտ չի տեղեկացված։
Մե՛նք պայքարի հենց սկզբից հստակ նշել ենք, որ այստեղ չկա պայքար անձերի կամ կազմակերպությունների դեմ։ Մեզ համար էական չէ տվյալ կազմակերպությունը տեղական է, միջազգային թե օֆշորային ։ Մե՛նք խնդիրը պարզ ներկայացրել ենք և փաստերով հիմնավորել այն։ Մե՛նք բազմիցս նշել ենք, որ Ամուլսարի խնդիրը բազմաշերտ է։ Այստեղ միարժամանակ կա և մարդու իրավունքների կոպտագույն խախտում և բնապահպանական ակնհայտ ռիսկեր և տնտեսական մոդելի փոփոխության խնդիր»։
