Ում հետ է երեկ հանդիպել Ռոբերտ Քոչարյանն ու ինչ են պայմանավորվել
«Հայաստան» դաշինքի կենտրոնական շտաբում դաշինքի առաջնորդ, ՀՀ երկրորդ նախագահ Ռոբերտ Քոչարյանը հունիսի 25-ին հանդիպում է անցկացրել թիմակիցների ղեկավարների հետ։
Այս մասին հաղորդագրություն է տարածել «Հայաստան» դաշինքը:
«Հանդիպման ժամանակ քննարկվել են հետընտրական իրավիճակը և առաջիկա աշխատանքները։ Նախագահ Քոչարյանը վստահություն է հայտնել, որ դաշինքի ներկայացուցիչները պետք է չտրվեն իշխանության կողմից իրականացվող ապօրինի ճնշումներին և պետք է շարունակեն իրենց բնականոն աշխատանքը՝ հանուն համայնքների բարեկեցության։
Քննարկման ժամանակ արծարծվել են նաև համայնքների ղեկավարներին ըստ անհրաժեշտության ցուցաբերվող իրավական և քաղաքական աջակցության հարցեր։ Նախագահ Քոչարյանը վստահեցրել է, որ տեղի ունեցող գործընթացը ստանալու է իրավա-քաղաքական հստակ գնահատական։
Պայմանավորվածություն է ձեռք բերվել այսպիսի հանդիպումները դարձնել պարբերական»,- գրված է հաղորդագրությունում։
