«Nowness»-ը ֆիլմ է ներկայացրել հայկական մշակույթի և ինքնության մասին
Բրիտանական «Nowness» պարբերականը «Մի մոռացիր ինձ» խորագրով ֆիլմ է նկարահանել հայկական մշակույթի մասին և Ինստագրամ էջում ֆիլմից մի հատված հրապարակել։
Հոլովակում ֆրանսահայ խորեոգրաֆ Ալին Դերդերյանը պարում է և ներկայացնում իր պատմության, հայ լինելու, տարբեր մշակույթներում ապրելու մարտահրավերների մասին։
«Հայ լինելը կրոնի, սովորույթների կամ հայրենասիրության հարց չէ․ դա նշանակում է կրել պատմության հետքերը, որը լրիվ ներկայացված չէ։ Հայ լինել նշանակում է հասկանալ, որ մի օր կարիք կունենաս գնալու և ամեն ինչ տեսնելու սեփական աչքերով, հուզվել դուդուկի ձայնից, որը քեզ հիշեցնում է ամենի մասին, ինչ չգիտես, բայց զգում ես քեզ շատ մոտ։ Հայ լինել նշանակում է հիշեցնել ինքդ քեզ, որ ընտանիքդ ու նախնիներդ փրկվածներ են, արդյունքում կյանքն ընդունել որպես նվեր, ոչ թե որպես բեռ»,- իր խոսքում ասում է Դերդերյանը։
