Տեսանյութ. Նոր «մեղքեր» ու «սխալներ»՝ Խաչիկ Ասրյանից
Հաճույքով կարդացի Ավետիս Բաբաջանյանի հոդվածը՝ Խաչիկ Ասրյանի բազմաթիվ «սխալներն» ու աններելի «մեղքը»: Դժվար է չհամաձայնել Ավետիսի բազմաթիվ փաստարկներին, բայց կցանկանամ «մեղքերի» ու «սխալների» այդ անվերջանալի շղթային ևս մի քանիսը ավելացնել.
Խաչիկ Ասրյանը միակ քաղաքական գործիչն է, որ առանց դիվանագիտական ձևակերպումների պայքար է մղում ԼԳԲՏ անձանց ու նրանց քարոզիչների դեմ:
Միակն է, ով համարձակություն ունեցավ կորոնավիրուսի և Նիկոլ Փաշինյանի վարկանիշի պիկին կազմակերպել բազմամարդ հանրահավաք՝ «Հեռացնե՛նք Նիկոլին» կարգախոսով: Այն ժամանակ այժմ Փաշինյանի դեմ անդուլ պայքար մղող բազմաթիվ «ընդդիմադիրներ» վախվորած էին հետևում այդ քայլերին ու Նիկոլի դեմ պայքարը համարում էին անհնարին մի բան:
Միակն է, ով Ռուսաստանի հետ հարաբերություններում չի առաջնորդվում միայն ինչ որ բան «պոկելու» տրամաբանությամբ, այլև հստակ կատարում է դաշնակցային պարտքը՝ հայտարարելով, որ ճակատային գծում կկռվի Ռուսաստանի թշնամիների դեմ:
Խաչիկ Ասրյանի այդ «սխալներն» ու «մեղքերը», անշուշտ, բյուրավոր են: Լրացրեք՝ ըստ ճաշակի:
Ազնիվ Եսայան
ուսուցչուհի
