Պարզ ու արդյունավետ խորհուրդներ, որոնք կօգնեն պահպանել աղիների առողջությունը
Մարդու աղիների առողջությունը որոշիչ նշանակություն ունի նրա ամբողջ օրգանիզմի առողջության համար։ Աղեստամոքսային տրակտն օգնում է ճիշտ յուրացնել ու օգտագործել օրգանիզմի կենսակործունեության համար անհրաժեշտ սննդարար նյութերը, ինչն էլ շատ կարևոր է մարմնի ընդհանուր առողջության և իմունային համակարգի ամրապնդման համար։ Սա է պատճառը, որ հարկավոր է շատ մեծ ուշադրություն դարձնել աղիների աշխատանքին ու միջոցներ ձեռնարկել այդ համակարգի առողջության բարելավման համար։
Նյարդաբան ու սննդաբան Դևիդ Պերլմուտերը գերմանական Focus պարբերականի հետ զրույցում ներկայացրել է մի քանի պարզ խորհուրդ, որոնք կօգնեն բարելավել աղիների միկրոֆլորան ու պահպանել աղեստամոքսային տրակտի աշխատանքը։
Պրոբիոտիկներով հարուստ սնունդ օգտագործել
Մասնագետի խոսքով՝ կաթնաթթվով հարուստ սնունդը նպաստում է աղիների լորձաթաղանթի կայունության պահպանմանը, ուստի պրոբիոտիկներով հարուստ մթերք օգտագործելը շատ կարևոր է։ Դրանցով հարուստ են յոգուրտը, կեֆիրն ու թթու կաղամբը, որոնք օգնում են նաև կարգավորել pH բալանսը:
Օգտագործել որակյալ ճարպեր, որոնք քիչ ածխաջրեր են պարունակում
Փորձագետը խորհուրդ է տալիս խուսափել շաքարով հարուստ ձավարեղենի և մրգերի չարաշահումից, քանի որ նման մթերքի չարաշահումը կարող է վնասակար ազդեցություն ունենալ աղիների օգտակար միկրոֆլորայի վրա: Առողջական խնդիրներից խուսափելու համար խորհուրդ է տրվում նախապատվությունը տալ յուղերին, ընկույզներին, հավկիթին, ձկներին և մսին: Նման մթերքի մեջ պարունակվող ճարպը պաշտպանում է ընկճախտից և Ալցհայմերի հիվանդությունից:
Երբեմն մի փոքր գինի, սուրճ և շոկոլադ օգտագործել
Ինչպես նշում է Պերլմուտերը, սննդամթերքի այս տեսակները պարունակում են մեծ քանակությամբ հակաօքսիդանտներ, որոնք ամրապնդում են աղիների պատերը և նվազեցնում են թթվայնացնող սթրեսի մակարդակը:
Պրեբիոտիկներ օգտագործել
Պրեբիոտիկները խթանում են աղիներում օգտակար բակտերիաների ակտիվությունը, ուստի դրանցով հարուստ մթերքի առկայությունը սննդակարգում շատ կարևոր է։ Այս տարրերը պարունակվում են հում սխտորի, սոխի ու խատուտիկի տերևներում:
Օգտագործել քլորի ցածր պարունակությամբ ջուր
Փորձագետը խորհուրդ է տալիս ստուգել ծորակի ջրում քլորի պարունակությունը, քանի որ քլորի բարձր պարունակությամբ ջուրը չի նպաստում աղիների առողջությանը:
Պարբերաբար ծոմ պահել
Վերոնշյալ խորհուրդներից բացի Պերլմուտերը հորդորում է նաև ժամանակ առ ժամանակ ծոմ պահել, ինչը ևս շատ օգտակար սովորություն կլինի աղիների համար։
