Զիդանը՝ Չեմպիոնների լիգայի վիճակահանության մասին
Մադրիդի «Ռեալի» գլխավոր մարզիչ Զինեդին Զիդանն անդրադարձել է Չեմպիոնների լիգայի քառորդ եզրափակիչի վիճակահանությանը, որի արդյունքում Արքայական ակումբին բաժին էր հասել Անգլիայի չեմպիոն «Լիվերպուլը»:
«Մենք հասկանում ենք «Լիվերպուլի» դեմ խաղերի դժվարությունը: Չի կարելի ասել, որ դա լավ կամ վատ վիճակահանություն էր: «Լիվերպուլը» մի թիմ է, որն ի զորու է անհրաժեշտ պահին ցուցադրել իր առավելագույնը: Նույնը կարելի է ասել նաև մեր մասին: Առջևում 2 հրաշալի խաղեր են 2 թիմերի միջև, որոնք մեկ անգամ չեն հաղթել Չեմպիոնների լիգայում: Այդպիսի մակարդակում միշտ բարդ է խաղալ»,- ֆրանսիացի մասնագետի խոսքը մեջբերում է Goal.com-ը:
«Ռեալի» ու «Լիվերպուլի» միջև առաջին հանդիպումը տեղի կունենան ապրիլի 6-ին Մադրիդում, իսկ պատասխան խաղը՝ ապրիլի 14-ին Անգլիայում:
