Պետական համակարգը կազմաքանդված էր, բանակը փաստացի ժողովրդի կողքին էր, մնում էր ընդառաջ գնալ ձևավորված պահանջին և նշանակել արտահերթ ընտրություններ, ինչն էլ արվեց...
Արդեն ամիսներ շարունակ երկրում տիրող քաոսային իրավիճակը պետք է ունենար իր տրամաբանական ավարտը: Այդ ավարտը եղավ արտահերթ խորհրդարանական ընտրություններ անցկացնելու որոշումը, որը դրական տեղաշարժ էր և հույս է տալիս մարդկանց՝ գիտակցելու, որ ամիսներ անց ամեն ինչ թեև չի մոռացվի, սակայն կմնա անցյալում և ընթացք կստանա դեպի կայունացման: Եվ իհարկե բոլորիս համար էլ տեսանելի էր, որ այն ԲՀԿ ղեկավար Գագիկ Ծառուկյանի և Նիկոլ Փաշինյանի հանդիպման արդյունքն էր: Սակայն արի ու տես, որ հիմա էլ կան այնպիսի ուժեր, ովքեր պահը բաց չթողեցին ԲՀԿ առաջնորդի այս կառուցողական քայլը քննադատել և փորձել նախանձախնդրորեն մոտենալ այս որոշմանը: Միանշանակ փաստ է այն, որ ԲՀԿ-ն այս քայլին գնալով կայունացնում է երկրի ներքաղաքական իրավիճակը, առանց որի ապագան կառուցել հնարավոր չէր լինի: Ամեն բան տրամաբանված էր և հասել էր մի կետի, որից հետո հաջոր խոհեմ քայլը հենց Գ.Ծառուկյանի կողմից էլ եղավ: Բանակը փաստացի ժողովրդի կողմն էր, պետական համակարգը կազմաքանդված, և վարչապետը պետք է գնար ընդառաջ այս իրավիճակին:
Մի փորձեք Ծառուկյանի քայլերում տողատակեր խցկել, ձեր ուզած ձևով մեկնաբանել նրա գործողությունները, այն ինչ հրապարակային ասվել է, մնում է ուժի մեջ, վարչապետը հրաժարական է տալիս, և գնում ենք արտահերթ ընտրությունների:
Մի փորձեք Ծառուկյանի քայլերում տողատակեր խցկել, ձեր ուզած ձևով մեկնաբանել նրա գործողությունները, այն ինչ հրապարակային ասվել է, մնում է ուժի մեջ, վարչապետը հրաժարական է տալիս, և գնում ենք արտահերթ ընտրությունների:
