«Բարսելոնայի» նոր նախագահը հայտարարել է՝ կանի հնարավորը, որպեսզի Մեսսին մնա թիմում
Իսպանական «Բարսելոնա» ֆուտբոլային ակումբի նորընտիր նախագահ Ժոան Լապորտան ամեն ինչ կանի, որպեսզի համոզի արգենտինացի հարձակվող Լիոնել Մեսսիին մնա ակումբում: Լապորտայի մեկնաբանությունը մեջբերել է իտալական Sky Sport սպորտային հեռուստաընկերության լրագրող Ֆաբրիցիո Ռոմանոն իր Twitter-ում:
Transfermarkt պորտալի համաձայն՝ Մեսսիի պայմանագրի ժամկետը լրանում է 2021 թվականի հունիսի 30-ին:
«Ես կխոսեմ Լիոնել Մեսսիի հետ,- ասել է Լապորտան,- կկարողանա՞մ համոզել նրան մնալ՝ դա կախված է նրանից։Ես կանեմ ամեն ինչ, ինչ կարող եմ և ակումբի ֆինանսական հնարավորությունների սահմաններում, որպեսզի համոզեմ նրան շարունակել խաղալ Բարսելոնայում»:
Լապորտան Բարսելոնայի նախագահն է եղել 2003-2010 թվականներին: Այս ընթացքում թիմը չորս անգամ նվաճել է Իսպանիայի առաջնությունը, երկու անգամ՝ Չեմպիոնների լիգան, մեկ անգամ՝ Իսպանիայի գավաթ և երեք անգամ՝ Սուպերգավաթը:
