Huawei-ն ցույց է տվել ապագայի տունը

Huawei-ն ապագայի խելացի տան իր տեսլականը ներկայացրեց Շանհայում՝ MWC 2021-ի ընթացքում:

Ցուցահանդեսի ընթացքում ընկերությունը ցույց տվեց ավարտված բնակարանի մի օրինակ, որում հավաքվել էին «խելացի» տան համար նախատեսված բոլոր ժամանակակից հարմարանքները և սարքերը:

Տան ցանկացած սարք կարող է վերահսկել խելացի տունը՝ սմարթֆոն, համակարգիչ, պլանշետ կամ նույնիսկ հեռուստացույց: Միևնույն ժամանակ, Huawei-ն ուզում է հեռանալ հեռուստացույցների ընդունված տարբերակներից, այդ իսկ պատճառով ընկերությունը դրանք անվանում է «խելացի» էկրաններ: Քանի որ հեռուստատեսությունը մղվում է հետին պլան,  այս էկրանը կարող է օգտագործվել տեսազանգերի համար, վերահսկել տան այլ սարքերը կամ տարբեր ծրագրեր:

Խելացի սարքերը բաժանվում են ամբողջ բնակարանում: Եթե ​​դահլիճում դա հեռուստացույցն է կամ բարձրախոսները, ապա խոհանոցում դա պատրաստելու այլ տեխնիկա է՝ վառարանը, օրինակ, կարող  է ղեկավարվել  հեռակա կարգով մեկ այլ սենյակից:

Սենյակներից մեկում կա նույնիսկ գոլֆի սիմուլյատոր: Յուրաքանչյուր հարվածի արդյունքները հետևում և համաժամացնում են կրողի ձեռքի խելացի ժամացույցի հետ: Եվ դա կարող է աշխատել ցանկացած այլ մարզասարքի հետ:

HiCar մեքենաների համակարգը միացված է խելացի տանը: Բավական է, որ մարդը մի արտահայտություն ասի բնակարանի բոլոր սարքերի համար`«Վերադառնալ տուն» ռեժիմին անցնելու համար, օրինակ` օդորակիչը և այլ սարքավորումները կարող են միացնել: Բոլոր նման սցենարները կարող են կազմաձևվել նախապես:

Վերջին տարիներին Huawei-ն զարգացնում է ծառայությունների և սարքերի սեփական էկոհամակարգը: Ընկերությունն արդեն ունի 20 գործընկեր, որոնք արտադրում են խելացի կենցաղային տեխնիկա, իսկ այս տարի նրանք ցանկանում են ցուցակն ընդլայնել 40-ի:

Սիրարփի Աղաբաբյան