Խաչիկ Ասրյան. Փաշինյա՛ն Նիկոլ, Հայաստանի և Ռուսաստանի ազնիվ ու հավատարիմ բարեկամությունն ու ռազմավարական գործընկերությունն այլընտրանք չունի
Հայկական բարձրավանդակում բնակվող հայերիս ու Հայաստանի համար ռազմաքաղաքական և տնտեսական արտաքին համագործակցության ճշմարիտ ու միակ ուղին Հայաստանի և Ռուսաստանի ազնիվ ու հավատարիմ բարեկամությունն ու ռազմավարական գործընկերությունն է։
Հայաստանի այսօրվա ամերիկահպատակ իշխանությունը Հավաքական Անվտանգության Պայմանագրի Կազմակերպության (ՀԱՊԿ) և Եվրասիական Տնտեսական Միության (ԵԱՏՄ) անդամ Հայաստանը դարձրել է հակառուսական ալյանսի անդամ:
Ավելին, Հայաստանի այսօրվա սորոսական իշխանությունը ոչնչացնում է ազգային արժեքները՝ Հայրենիք, Եկեղեցի, ընտանիք, ինչպես նաև հայ-ռուսական դարավոր բարեկամությունը, Ռուսաստանի հետ ռազմաքաղաքական, տնտեսական համագործակցությունը՝ Հայաստանը դարձնելով Ռուսաստանի թշնամի պետություն:
Արդեն երրորդ տարին է՝ ապազգային Փաշինյան Նիկոլն ու իր թրքապաշտ իշխանությունը ոչնչացնում են Հայաստանի բնականոն զարգացման ընթացքը՝ այդ թվում նաև արտաքին անվտանգությունը, որի վերջնարդյունքը կարող է լինել Հայաստանը ՀԱՊԿ-ից և ԵԱՏՄ-ից դուրս բերելը, Հայաստանի արտաքին անվտանգության երաշխավոր ռուսական սահմանապահ զորքերի և Ռուսաստանի Դաշնության 102-րդ ռազմաբազայի դուրս բերումն ու դրանց փոխարեն Հայաստանում ՆԱՏՕ-ի, կամ, որ նույնն է՝ թուրքական բանակի ներկայության ապահովումը:
Ուզում եմ միանգամից հիասթափեցնել արևմուտքին՝ ի դեմս ՆԱՏՕ-ի համար Հայաստանում ոտնատեղ փնտրող, արևմուտքի այլասերված բարքերն իրենց մեջ կրող հայրենադավներին. բացառվում է, որ Հայաստանի Հանրապետությունն իր ռազմաքաղաքական գործունեության համար կենսական ընտանիք հանդիսացող ՀԱՊԿ-ին երբևէ փոխարինի ՆԱՏՕ-ով:
Փաշինյա՛ն Նիկոլ, Հայաստանի հաջորդ՝ Ազգային-Քրիստոնյա իշխանությունը, որը մե՛նք ենք ձևավորելու, Հայաստանը դուրս է բերելու հակառուսական և սորոսահպատակ ուժերի ազդեցությունից:
Փաշինյա՛ն Նիկոլ, Հայաստանի և Ռուսաստանի ազնիվ ու հավատարիմ բարեկամությունն ու ռազմավարական գործընկերությունն այլընտրանք չունի:
«Հայոց Արծիվներ. Միասնական Հայաստան»
կուսակցության Նախագահ՝ Խաչիկ Ասրյան
